送人去醫院記

4th Sep 2010

4/9/2010 我在蘇州的第八天

　　朝早，我還在矇矓間，比個電話嘈醒左。原來係有同學，又痾又嘔，話要去醫院睇下咩事。我當時除左大為緊張，仲大嘆倒楣。剛剛過左一個星期，咁快就有人出事。我兩個室友知道左之後，都即刻起身幫手，一齊過去睇下個同學點。

　　我地好快去到，見到個同學個樣好辛苦，帶著哭腔話好辛苦，成個小朋友，好似想搵媽咪咁。坦白講，雖然我臉上好緊張&同情，但實際我除左少許同情之外，無乜感覺。始終，同佢根本談不上有咩交情。一切，都只係職責。

　 　既然係職責，我當然要搵埋女班長幫手啦。我同佢講有個同學好唔舒服，要去醫院。但聽到女班長把聲，明顯唔太樂意，理呢件事。我梗係扯埋佢落水，叫佢落埋 黎一齊幫手。等齊人，就落去搭的士。點知，原來有另一個同學仔，又唔舒服，我就叫兩個室友留係度，而我同女班長，就搵個留係度。

　　個女班長，就話，無帶電話，要留係度WO。我頂你個肺，你唔好話自己無戴BRA？！去到醫院，睇完醫生，拎完超貴藥，就搭的返去。